Ulaanbaatar
СҮХБААТАР: Түрээсийн орон сууц хөтөлбөр хэрэгжүүлнэ
ОРОН НУТГИЙН МЭДЭЭ | СҮХБААТАР
Баруун-Урт /МОНЦАМЭ/. Нийтийн эзэмшлийн орон сууц тус аймагт 1 мкв нь 1,850-
2,650 мянган төгрөгийн үнэтэй байна. Тиймээс иргэдийг хямд орон сууцаар хангах
зорилгоор хорооллуудыг шинээр байгуулахын зэрэгцээ энэ жилээс гэр хорооллыг
инженерийн шугам сүлжээнд холбох ажлыг эрчимжүүлж, түрээсийн орон сууц хөтөлбөрийг
эхлүүлэхээр төлөвлөжээ.
Сүхбаатар аймагт
сүүлийн гурван жилд 400-450 орчим орон сууц шинээр ашиглалтад ордог. Тодруулбал,
2020 онд 174, 2021 онд 160, 2022 онд 25 айл шинээр орон сууцанд оржээ. Мөн эко хороололд 50 өрх байртай болж, инженерийн
шугам сүлжээнд холбогдсон газарт иргэд хувиараа орон сууц барих тохиолдол
нэмэгдсэн байна.
Хөдөөгийн сэргэлтийг
дэмжих, шилжин ирэгсэд болон одоо амьдарч байгаа залуу гэр бүлийг хямд орон
сууцаар хангах хүрээнд Баруун-Урт суманд 980 айлын орон сууцны хорооллын дэд
бүтцийн ажил эхэлсэн, түрээсийн орон сууц хөтөлбөрийг хэрэгжүүлэх 100 айлын
орон сууцны тендер зарлагдсан, эрчим хүчий хэмнэлттэй орон сууц буюу эко
хорооллын 50 айл бүхий хоёрдугаар ээлжийн ажлын шугам сүлжээний ажил эхэлсэн,
Баруун-Урт сумын дөрөв, зургаадугаар багийн зарим өрхийг нэгдсэн инженерийн
шугам сүлжээнд холбох, сумдыг төвлөрсөн шугамд холбох зэрэг ажлууд
төлөвлөгдсөн гэдгийг аймгийн ЗДТГ-ын Хөрөнгө оруулалт, хөгжлийн бодлого,
төлөвлөлтийн хэлтсийн дарга Х.Энхцэцэг хэллээ.
