ӨВӨРХАНГАЙ: Хууль тогтоомж сурталчлах төв байгуулна

ОРОН НУТГИЙН МЭДЭЭ | ӨВӨРХАНГАЙ
batchimeg@montsame.mn
2023-01-16 15:13:58

Өвөрхангай /МОНЦАМЭ/. Аймгийн ИТХ-аас “Монгол Улсад Парламентын ардчиллыг бэхжүүлэх нь” төсөлтэй хамтран Хууль тогтоомжийг сурталчлах төв байгуулахаар 40 орчим сая төгрөгөөр тохижуулж, тоног төхөөрөмжийг суурилуулж байна.


УИХ-ын Тамгын газрын стратеги төлөвлөгөөнд аймаг, нийслэл, сум, дүүргийн ИТХ-ын дэргэд УИХ-ын үйл ажиллагааг сурталчлах төв байгуулах зорилтыг тусгагдсан. Энэ хүрээнд УИХ-ын Тамгын газраас Өвөрхангай ИТХ-ын дарга О.Пүрэвдоржтой хамтран ажиллах санамж бичигт гарын үсэг зурлаа.


Хууль тогтоомж сурталчлах төв байгуулснаар УИХ-аас баталсан хууль, Засгийн газрын тогтоол, орон нутгаас гарч буй тогтоол, шийдвэрүүдийг сурталчилж, иргэдийг мэдээллээр хангах боломж бүрдэнэ.

Related news