ОРХОН: Эрдэнэтийн залуучуудын үйлдвэрлэж буй утаагүй түлш МОН-Х-ийн шилдэг төслөөр шалгарчээ

ОРОН НУТГИЙН МЭДЭЭ | ОРХОН
orkhon@montsame.mn
2022-11-22 14:54:20
oyuka_hu@yahoo.com

Орхон/МОНЦАМЭ/. БШУЯ-наас хэрэгжүүлж буй МОН-Х хөтөлбөрийн шилдэг төслөөр "Эрдэнэт" шинжлэх ухаан, технологийн паркийн  дэргэдэх  “Агдир бүтэмж” ХХК-ийн утаагүй түлш төсөл  шалгарчээ. 


Тус компани нь утаагүй түлшийг хаягдал цаас, өөх тос, модны үртэс ашиглан үйлдвэрлэдэг бөгөөд өдөрт 6000 ширхэг түлш зах зээлд нийлүүлэх хүчин чадалтай юм.  


МОН-Х хөтөлбөр нь бүс, нийслэл, орон нутагт тулгамдаж буй асуудлыг иргэдийн оролцоотойгоор инновац ашиглан шийдвэрлэх санаачилгуудыг дэмжихэд чиглэсэн юм. 


Хөтөлбөр нийт 180’000’000 төгрөгийн шагналын сантай бөгөөд хүлээн авсан санал дундаас 4 үе шаттайгаар 9 санаачилгыг шалгаруулж, тус бүрийг төсөл болгон хэрэгжүүлэхэд зориулж 20’000’000 төгрөгийн буцалтгүй дэмжлэг олгоно.  


"Эрдэнэт" шинжлэх ухаан, технологийн парк нь "Бизнес инкубатор" төвөөрөө дамжуулан стартапуудад мэргэжил, арга зүйн зөвлөгөө өгдөг юм. "Агдир бүтэмж" ХХК утаагүй түлш үйлдвэрлэх санаа, төслөөсөө эхлээд паркийн дэргэд үйл ажиллагаагаа явуулж байгаа юм. 

 

Related news