Ulaanbaatar
ХОВД: Улаанбаатараас Ховд руу нисэх онгоцны тийзний үнэ хямдарчээ
ОРОН НУТГИЙН МЭДЭЭ | ХОВД
Жаргалант /МОНЦАМЭ/. Монгол
Улсын Засгийн газрын үйл ажиллагааны хөтөлбөр, "Шинэ сэргэлтийн бодлого"-д
орон нутгийн нислэгийг сэргээх, тогтворжуулах талаар тодорхой тусгасан.
Энэ
хүрээнд Засгийн газар, Зам тээврийн хөгжлийн яамнаас гаргасан бодлого,
шийдвэрүүдийг хэрэгжүүлж "МИАТ" ТӨХК-иас орон нутгийн 9 чиглэлд
тогтмол нислэг үйлдэхээр болжээ.
Үндэсний
агаарын тээвэрлэгч "МИАТ" ТӨХК ийнхүү 15 жилийн дараа орон нутгийн нислэгээ
сэргээж зургаадугаар сарын
30-нд Улаанбаатар хотоос Ховд аймаг
чиглэлд
анхны нислэгээ хийсэн байна.
"Өмнө
нь Улаанбаатар хотоос Ховд аймаг руу онгоцоор
зорчих зардал 1 сая 500 мянган төгрөг байсан бол одоо
810-902 мянган төгрөг болж, тийзний
үнийг 2-2.5 дахин хямдрууллаа. Мөн иргэд, гадаад, дотоодын аялагчид автомашинаар явахаас илүү бага цаг хугацаа зарцуулах, агаарын тээврээр шуурхай, ая тухтай зорчих боломж бүрдэж байна" гэж
албаны эх сурвалжууд мэдээллээ.
Тус компани 7 хоногийн гурван өдөр буюу даваа, баасан, ням гарагт нислэг үйлдэх аж.
