Ulaanbaatar
Залуус өөрсдийн авьяас чадвар, мэдлэг, сэтгэлгээгээрээ өрсөлдлөө
ОРОН НУТГИЙН МЭДЭЭ | СЭЛЭНГЭСэлэнгэ аймгийн Мандал суманд үйл ажиллагаа явуулдаг аж ахуй нэгж, албан байгууллагуудын 35 хүртэлх насны залуучууд өөрсдийн авьяас чадвар, мэдлэг, сэтгэлгээгээ сорин нөхөрсгөөр өрсөлджээ.
“Эрч хүч дүүрэн залуу нас” нэртэй уг дэвжээ тэмцээнд сумын ЗДТГ-ын “Соёмбо”, Хэрх тосгоны ЕББД 4-р сургуулийн “Сэмбий”, МСНЭ-ийн “Nice guys”, Зүүнхараа хотын Улсын тэргүүний ЕББД 1-р сургуулийн “Гэрэлт ирээдүй”, “Өөрчлөлт-Монгол-Зүүнхараа” ТББ-ын “Хаан хишигтэн”, Улсын тэргүүний ЕББД 1-р сургуулийн “Эко залуус” багууд, мөн 16-гаас дээш насны оюутан сурагчид оролцсон байна. Өөрсдийн авьяас чадвар, мэдлэг, сэтгэлгээгээ сорин өрсөлдсөн залуусаас тэргүүн байрыг Хэрх 4-р сургуулийн “Сэмбий” баг эзэлж, шилжин явах цом, өргөмжлөл, 500.000 төгрөгийн эзэд болжээ. Харин дэд байрт МСНЭ-ийн “Nice guys” баг, удаах байрт Улсын тэргүүний ЕББД 1-р сургуулийн “Гэрэлт ирээдүй” баг тус тус шалгарчээ.
Сэлэнгэ аймаг Ч.Отгонцэцэг
コメント