ГОВЬ-АЛТАЙ: Залуу бөхчүүдийн барилдаанд аймгийн арслан Д.Ганцоож түрүүллээ

ОРОН НУТГИЙН МЭДЭЭ | ГОВЬ-АЛТАЙ
185@montsame.mn
2022-11-26 09:21:40

Говь-Алтай  /МОНЦАМЭ/. Улс, аймаг сумын цолтой болон залуу бөхчүүдийн барилдаанд Аймгийн арслан Д.Ганцоож түрүүлж, Аймгийн арслан Ч.Эрдэнэсайхан үзүүрлэлээ.


Их Эзэн богд Чингис хааны мэндэлсний 860 жилийн ой, Монгол бахархлын өдөр, Бүгд Найрамдах улсаа тунхагласны 98 жилийн ой, нутгийн өөрөө удирдах байгууллага үүсэн байгуулагдсаны 30 жилийн ой, Ардын хувьсгалын 100,101 жилийн ойн баяр наадмаар шинээр цол, чимэг хүртсэн бөхчүүдэд хүндэтгэл үзүүлэх, Улс , аймаг сумын цолтой болон залуу бөхчүүдийн барилдаан 11 дүгээр сарын 25-нд Алтай хотноо боллоо.

Уг барилдаанд Говь-Алтай аймгийн Дэлгэр сумын харьяат, “UB oil” компани, Хантайшир дэвжээний бөх, Аймгийн арслан Д.Ганцоож түрүүлж, Дэлгэр сумын харьяат, “UB oil” компани, Хантайшир дэвжээний бөх, Аймгийн арслан Ч.Эрдэнэсайхан үзүүрлэж, Аймгийн заан Б.Гаажадамба, Аймгийн начин Б.Лхагва-Очир нар шөвгөрөв.

Related news