Ulaanbaatar
“МИК Холдинг”-ийн үйл ажиллагаанд зарим чиглэлийг нэмжээ
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн биржид бүртгэлтэй “МИК Холдинг” ХК-ийн эрхлэх үйл ажиллагаанд зарим чиглэл нэмэгджээ. Тус компанийн хувьцаа эзэмшигчдийн хурлаас оруулсан тус саналыг УБЕГ энэ оны 8 дугаар сарын 5-нд бүртгэсэн талаар хувьцаа эзэмшигч нартаа мэдээлж байна. Үүнд:
- ААН-ийн удирдах дээд байгууллагын үйл ажиллагаа,
- Менежментийн зөвлөгөө өгөх үйл ажиллагаа,
- Төсөл, хөтөлбөр хэрэгжүүлэх,
- Бизнесийн зөвлөгөө өгөх үйлчилгээ,
- Хөрөнгө оруулалтын үйл ажиллагаа,
- Санхүүгийн бусад үйлчилгээ.
Түүнчлэн, компанийн өөрийн зорилго болон эрхлэх үйл ажиллагаагаа хэрэгжүүлэхтэй шууд болон шууд бус холбоотой, хууль тогтоомжид хориглоогүй бүхий л төрлийн үйл ажиллагааг эрхэлж болох бөгөөд дүрэмд заагаагүй үйл ажиллагаа эрхлэх асуудлыг ТУЗ шийдвэрлэхээр дүрэмд тусгасан байна.
