Ulaanbaatar
Сүхбаатар аймагт зургаан аймгийн 14,1 мянган мал өвөлжинө
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Сүхбаатар аймагт энэ жил 3,9 сая толгой мал өвөлжиж,
хаваржих урьдчилсан тооцоо гарчээ. Харин өөр зургаан аймгийн буюу Дорноговь,
Багануур, Өвөрхангай, Төв, Баянхонгор, Архангай аймгаас 21 өрхийн 14,1 мянган
толгой мал тус аймгийн нутагт өвөлжих юм байна.
Өөрийн аймгийн 3,9
сая толгой малаас 55 өрхийн 52,4 мянган мал Дорнод, Хэнтий аймагт нутаглах бол үлдсэн
хэсэг нь өөрийн аймгийн бусад сум, улсын тусгай хамгаалалттай газар, хилийн
зурвас нутагт өвөлжих аж.
