Ulaanbaatar
СҮХБААТАР: Алтан овоон дээр алсыг харагч дуран байрлуулжээ
ОРОН НУТГИЙН МЭДЭЭ | СҮХБААТАР
Баруун-Урт
2025 оны
долоодугаар сарын 16 /МОНЦАМЭ/.Сүхбаатар аймгийн Дарьганга сум байгуулагдсаны түүхт 100 жилийн ойг тохиолдуулан Алтан Дарь овоон дээр алсыг харагч суурин дуранг байрлуулжээ.
Энэ
нь нутгийн шүтээн хайрханаа зорин очих зон олон, аялагч жуулчид Дарьганга нутгийн унаган байгалийг тольдон харахад зориулагдсан байна.
Энэхүү дуранд байрлах QR кодыг уншуулан Дарьганга нутгийн хөрөг хөшөө дурсгалууд, уул овоо, нуур ус, булаг рашаан, газар нутгийн нэршил мэдэх, домог түүхүүдтэй танилцаж, өв соёл уламжлал, алдарт дархчуудын мөнгөн урлал, сайн эрсийн домог түүхүүдийг танин мэдэх боломжтой юм.
Уг дуранг Дарьганга сумын анхны даргын нэг Эрдэнийн Мажигийн хүү 1957 оны БНМАУ-ын Их хурлын 33-р тойргийн депутат, Ганга нэгдлийг үүсгэн байгуулагчидын нэг М.Сэнгэбадар, охин С.Саарал, Ж.Халтар түүний үр хүүхдүүд байрлуулжээ.
