Ulaanbaatar
Хуурайшилтын зэрэг түймрийн онц аюултай түвшинд байна
ОРОН НУТГИЙН МЭДЭЭ | БУЛГАН
Булган /МОНЦАМЭ/ Булган аймгийн Бугат, Баян-Агт,
Хутаг-Өндөрөөс бусад суманд хуурайшилтын зэрэг түймрийн эрсдэл нэн их буюу
онц аюултай хэмжээнд байна гэж аймгийн Ус цаг уур орчны шинжилгээний төв
мэдээллээ.
Түймрийн эрсдэл Хутаг-Өндөр суманд их, Бугат, Баян-Агт
суманд дунд зэрэгт байгаа аж.
- Тус аймагт өнөөдрийн байдлаар түймэр байхгүй. Энэ он
гарсаар дөрвөн удаагийн ой, хээрийн
түймэр Сэлэнгэ, Хутаг-Өндөр, Бугат, Хишиг-Өндөр суманд гарсан. Хаврын
хуурайшилтын улиралд түймрийн эрсдэлийг бууруулахаар цаг агаарт зориудаар
нөлөөлөх ажлыг хоёр удаа зохион байгууллаа гэж аймгийн Онцгой байдлын газрын
орлогч дарга, дэд хурандаа Д.Ууганбаяр ярилаа.
