Ulaanbaatar
Нийт нутгаар цасан бүрхүүлтэй байна
ОРОН НУТГИЙН МЭДЭЭ | БУЛГАН
Булган /МОНЦАМЭ/ Булган аймгийн нийт нутгаар цасан бүрхүүлтэй,
цасны
зузаан 3-14 см байна гэж аймгийн Ус,
цаг уур орчны шинжилгээний төвөөс мэдээллээ.
Нийт нутгаар өнгөрсөн сард 4-7 удаа цас орсон байна. Хангал, Бугат, Дашинчилэн суманд 11-14 см зузаан цастай байгаа аж.
-Булган, Бугат, Бүрэгхангай сумын нутгаар олон жилийн дунджаас ахиу тунадас унасан. Агаарын температурын сарын дундаж утга нийт нутгаар 12.7-25.0 градус хүйтэн буюу агаарын температурыг олон жилийн дундаж утгатай харьцуулахад Тэшиг, Хутаг-Өндөр сумаас бусад суманд олон жилийн орчим буюу түүнээс бага байлаа гэж Ус, цаг уур орчны шинжилгээний төвийн технологи инженер Д.Энхээ мэдээлэв.
