Хоёр суманд тазар тариалангийн бүс нутаг тогтоожээ

batjargal@montsame.mn

2018-03-12 10:55:45

Булган /МОНЦАМЭ/ Булган аймгийн газар тариалан бүхий Хутаг-Өндөр, Сэлэнгэ сумын нутаг дэвсгэрээс тариалангийн бүс нутаг гэж нийтдээ 95 газрын хилийн цэсийг солбилцлын цэгээр тогтоосон байна.
Тухайлбал Хутаг-Өндөр суманд 51, Сэлэнгэ суманд 44 тариалангийн талбайг хамруулжээ.
Газар тариалангийн бүс нутаг, түүний заагийг тогтоох асуудлыг аймгийн ИТХ-ын шийдвэрийг харгалзан тариалангийн асуудал эрхэлсэн төрийн захиргааны төв байгууллага Засгийн газарт оруулж шийдвэрлүүлэхээр хуулиар зохицуулсан юм. Энэ сард ХХААЯ газар тариалангийн бүс нутаг тогтоох тухай асуудлыг Засгийн газрын хуралдаанаар хэлэлцүүлэхээр болсон учир аймгийн ИТХ-ын саналыг авсан байна.
Тус аймгийн хувьд газар тариалан, мал аж ахуйг хослуулан эрхэлдэг учир өнгөрсөн онд тариаланчид, малчдын санал авч, мэргэжилтнүүд судалгаа хийгээд газар тариалангийн бүс нутаг тогтоох боломжгүй гэсэн санал гаргаж байсан юм. Харин энэ жил газар тариалан бүс нутгийг хоёр суманд тогтоосон шийдвэрийг аймгийн ИТХ гаргажээ. Газар тариалангийн бүс нутаг тогтоосон газар мал аж ахуй эрхлэх боломж хязгаарлагдах учир малчдын өвөлжөө, хаваржааг нүүлгэх, өөр нутагт шилжүүлэх асуудал тулгарах учраас зарим суманд энэ бодлогыг дэмжих боломжгүй байгаа аж.

М.Батжаргал

Хоёр суманд тазар тариалангийн бүс нутаг тогтоожээ

相关新闻

БУЛГАН: "Дөл" тэмцээний аваргууд УАШТ-д оролцоно

БУЛГАН: Тахилын онгонтой хүн чулуун хөшөө

БУЛГАН: "Таван цэг" багийнхан хойд захаас өмнөд захын цэг хүртэл гүйнэ

БУЛГАН: Виртуал музей нүүдлээр ажиллаж байна

БУЛГАН: Багачууд үлгэрийн баатруудтай нэг өдрийг дурсамж дүүрэн өнгөрөөлөө

Т.Загдаа: Оньсон түгжээ бол бидний гээж болохгүй монгол ухааны зангилаа юм

БУЛГАН: Аймгийн хэмжээнд 228 ээж "Алдарт эх"-ийн одон хүртлээ

БУЛГАН: "Хурдан" клубийн сурагчид нисгэгчгүй дроноор түрүүллээ

БУЛГАН: Төслийн хүрээнд Гурванбулаг суманд 100.000 мод тарина

跟著我們

访问次数