Нийтийн тээврийн шилдэг жолооч нарыг шалгарууллаа

ariunbold@montsame.gov.mn

2017-09-08 10:30:35

Улаанбаатар /МОНЦАМЭ/. Нийслэлийн Тээврийн газар, “Улаанбаатар Смарт карт” ХХК хамтран "Нийтийн тээврийн үйлчилгээний шугамын орлогоо хамгийн их өсгөсөн жолоочийг шалгаруулах нэг сарын аяныг зарласан билээ.

Тэгвэл уг аянд “Эрдэм транс” ХХК-ийн Ч:64 чиглэлийн 13-037 дугаартай тээврийн хэрэгслийн жолооч М.Ерөөлтдэлгэр, С.Хуягаа нар тэргүүн байрт шалгарсан байна. Харин дэд байрт “Зорчигч Тээврийн Нэгтгэл" ОНӨААТҮГ-ын 2 дугаар баазын 02-024 дугаартай тээврийн хэрэгслийн жолооч Д.Нэргүй, Ц.Бямбаням, гутгаар байрт "Зорчигч Тээврийн Нэгтгэл" ОНӨААТҮГ-ын 1 дүгээр баазын 01-012 дугаартай тээврийн хэрэгслийн жолооч Ү.Жавхлантөгс, П.Баатарсүрэн нар шалгарсан байна.

Шилдэг жолооч нарыг шалгаруулахдаа нийслэлийн Тээврийн газраас тогтоосон чиглэлийн орлогын доод хязгаарыг давуулан биелүүлсэн болон тухайн сард цагийн хуваарь, графикийн дагуу иргэдэд үйлчилж, ямар нэгэн осол, зөрчилгүй ажилласан зэрэг шалгуур үзүүлэлтийг харгалзан үзжээ. Дашрамд дурдахад тус аяныг 9, 10 дугаар сард дахин зохион байгуулахаар төлөвлөсөн байна.

Нийтийн тээврийн шилдэг жолооч нарыг шалгарууллаа

相关新闻

Цэнхэр урт автобуснуудыг хэрэглээнээс бүрэн гаргалаа

МОНЦАМЭ агентлагийн дарга Х.Энх-Орших үүрэгт ажилдаа орлоо

Нийт нутгийн 60 гаруй хувьд ургамал хэвийн ургажээ

Гурван жилд 48 янгир ямааг нутагшуулав

Нийслэлийн төвийн зургаан дүүрэгт 3000 гаруй шонгийн гэрэлтүүлэг солив

Ховор зүйлийн шувуудыг хамтран хамгаалах, судлах ажлаа үргэлжлүүлнэ

Нийслэлийн “Теле камерын нэгдсэн төв”-ийг нээлээ

ӨНӨӨДӨР: Бүгд Найрамдах Узбекистан Улсын Ерөнхийлөгч Шавкат Мирзиёев Монгол Улсад төрийн айлчлал хийнэ

Монгол, Узбекистан улс хамтран аялал жуулчлалын салбарыг хөгжүүлнэ

跟著我們

访问次数