Ulaanbaatar
Хэрлэн голын урсгалыг сэргээв
ОРОН НУТГИЙН МЭДЭЭ | ДОРНОД
Дорнод /МОНЦАМЭ/ .Дорнод аймгийн Булган, Цагаан-Овоо сумын Зүүн дөрөө гэдэг газарт Хэрлэн голын урсгалыг хааж далан барьсныг холбогдох байгууллагууд тогтоож, урсгалыг сэргээв.
Зүүн дөрөө гэдэг газарт “Дорнод гурил” ХХК-ийн усалгаатай газар тариалангийн талбай бий. Тэд газар тариалангийн услалтад ашиглахаар элстэй шуудайгаар голын урсгалыг хаасан байжээ. Тавдугаар сараас эхлэн тус компанид шаардлага хүргүүлсэн ч хүлээж аваагүй учир энэ сарын 1-нд тус аймгийн МХГ, Байгаль орчин, аялал жуулчлалын газар, Сав газрын захиргаад, байгаль хамгаалагч нар өөрсдийн хүчээр элстэй шуудайг зөөж холдуулсан байна.
Дорнод аймгийн БОАЖГ хавраас эхлэн Хэрлэн голд энгийн болон онцгой хамгаалалттай эргийн тэмдэгжүүлэлтийг хийж байгаа юм.
Зүүн дөрөө гэдэг газарт “Дорнод гурил” ХХК-ийн усалгаатай газар тариалангийн талбай бий. Тэд газар тариалангийн услалтад ашиглахаар элстэй шуудайгаар голын урсгалыг хаасан байжээ. Тавдугаар сараас эхлэн тус компанид шаардлага хүргүүлсэн ч хүлээж аваагүй учир энэ сарын 1-нд тус аймгийн МХГ, Байгаль орчин, аялал жуулчлалын газар, Сав газрын захиргаад, байгаль хамгаалагч нар өөрсдийн хүчээр элстэй шуудайг зөөж холдуулсан байна.
Дорнод аймгийн БОАЖГ хавраас эхлэн Хэрлэн голд энгийн болон онцгой хамгаалалттай эргийн тэмдэгжүүлэлтийг хийж байгаа юм.
Д.Дэлгэрмаа
