Ulaanbaatar
АН-ын санал асуулгыг Х.Баттулга 2740 оноогоор тэргүүлжээ
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. АН-аас 2017 оны Ерөнхийлөгчийн сонгуульд өрсөлдөх нэр дэвшигчийг тодруулах санал асуулгад УИХ-ын гишүүн асан Х.Баттулга хамгийн өндөр оноо авчээ.
Энэ талаар өнөөдөр тус намын дарга С.Эрдэнэ, Ерөнхий нарийн бичгийн дарга Ц.Туваан нар мэдээлэл хийлээ. АН-аас Ерөнхийлөгчийн сонгуульд өрсөлдөхөөр Ерөнхий сайд асан Н.Алтанхуяг, ХЗДХ-ийн сайд асан Д.Дорлигжав, УИХ-ын гишүүн Л.Болд, УИХ-ын гишүүн асан Х.Баттулга, Р.Амаржаргал, Б.Жаргалсайхан нар өргөдөл гаргасан юм. Өргөдөл гаргасан гишүүдээс хэнийг нэр дэвшүүлэх талаар АН өчигдөр буюу энэ сарын 03-нд бүх гишүүдийнхээ дунд санал асуулга явуулав.
Санал асуулгын талаар намын дарга С.Эрдэнэ танилцуулав."Санал асуулгад АН-ын 130 мянган гишүүн оролцлоо. Санал асуулгыг 2740.94 оноогоор УИХ-ын гишүүн асан Х.Баттулга тэргүүллээ. УИХ-ын гишүүн асан Р.Амаржаргал 2374.85, ХЗДХ-ийн сайд асан Д.Дорлигжав 1058.64 оноо авсан байна. Харин Ерөнхий сайд асан Н.Алтанхуяг 1044.1, УИХ-ын гишүүн Л.Болд 917.30, гишүүн асан Б.Жаргалсайхан 213.3 оноо тус тус авлаа. Намын дүрмийн дагуу хамгийн өндөр оноо авсан нэр дэвшигчийг энэ сарын 06-нд болох Их хуралд танилцуулна" гэлээ.
Мэдээллийн дараа сэтгүүлчид сонирхсон асуултандаа хариулт авав.
-Үндэсний Аудитын газрын даргаас ирүүлсэн албан бичгээр улс төрийн намууд дээд хязгаар нь 6,8 орчим тэрбум төгрөг, хувь нэр дэвшигч 3.9 тэрбум төгрөгийг зарцуулж болно гэсэн. Энэ хүрээнд ажиллана.
-Монгол Улсын Үндсэн хуульд хэн нэгнийг шүүхээр гэм буруутай нь тогтоогдоогүй тохиолдолд гэм буруутайд тооцож үл болно гэсэн байдаг. Өнөөдөр шүүхээр гэм буруутай нь тогтоогдоогүй байгаа.
-Намын Их хурлаар нэр дэвшигчийн асуудлаас гадна өөр асуудал хэлэлцэх үү?
-Нэр дэвшигчийн мөрийн хөтөлбөрийг хэлэлцэж батална. Мөн Үндэсний бодлогын хорооны 389 гишүүний бүрэн эрхийг батламжилна.
Энэ талаар өнөөдөр тус намын дарга С.Эрдэнэ, Ерөнхий нарийн бичгийн дарга Ц.Туваан нар мэдээлэл хийлээ. АН-аас Ерөнхийлөгчийн сонгуульд өрсөлдөхөөр Ерөнхий сайд асан Н.Алтанхуяг, ХЗДХ-ийн сайд асан Д.Дорлигжав, УИХ-ын гишүүн Л.Болд, УИХ-ын гишүүн асан Х.Баттулга, Р.Амаржаргал, Б.Жаргалсайхан нар өргөдөл гаргасан юм. Өргөдөл гаргасан гишүүдээс хэнийг нэр дэвшүүлэх талаар АН өчигдөр буюу энэ сарын 03-нд бүх гишүүдийнхээ дунд санал асуулга явуулав.
Санал асуулгын талаар намын дарга С.Эрдэнэ танилцуулав."Санал асуулгад АН-ын 130 мянган гишүүн оролцлоо. Санал асуулгыг 2740.94 оноогоор УИХ-ын гишүүн асан Х.Баттулга тэргүүллээ. УИХ-ын гишүүн асан Р.Амаржаргал 2374.85, ХЗДХ-ийн сайд асан Д.Дорлигжав 1058.64 оноо авсан байна. Харин Ерөнхий сайд асан Н.Алтанхуяг 1044.1, УИХ-ын гишүүн Л.Болд 917.30, гишүүн асан Б.Жаргалсайхан 213.3 оноо тус тус авлаа. Намын дүрмийн дагуу хамгийн өндөр оноо авсан нэр дэвшигчийг энэ сарын 06-нд болох Их хуралд танилцуулна" гэлээ.
Мэдээллийн дараа сэтгүүлчид сонирхсон асуултандаа хариулт авав.
-Сонгуулийн зардлын тухай тодорхой мэдээлэл өгөхгүй юу?
-Үндэсний Аудитын газрын даргаас ирүүлсэн албан бичгээр улс төрийн намууд дээд хязгаар нь 6,8 орчим тэрбум төгрөг, хувь нэр дэвшигч 3.9 тэрбум төгрөгийг зарцуулж болно гэсэн. Энэ хүрээнд ажиллана.
-УИХ-ын гишүүн асан Х.Баттулгын хууль хяналтын байгууллагад шалгагдаж байсан асуудал юу болсон бэ?
-Монгол Улсын Үндсэн хуульд хэн нэгнийг шүүхээр гэм буруутай нь тогтоогдоогүй тохиолдолд гэм буруутайд тооцож үл болно гэсэн байдаг. Өнөөдөр шүүхээр гэм буруутай нь тогтоогдоогүй байгаа.
-Намын Их хурлаар нэр дэвшигчийн асуудлаас гадна өөр асуудал хэлэлцэх үү?
-Нэр дэвшигчийн мөрийн хөтөлбөрийг хэлэлцэж батална. Мөн Үндэсний бодлогын хорооны 389 гишүүний бүрэн эрхийг батламжилна.
Ч.Ариунболд
Гэрэл зургийг Б.Чадраабал
Гэрэл зургийг Б.Чадраабал
