Ulaanbaatar
Хятадад нүүрсний уурхайд дэлбэрэлт болсны улмаас 4 хүн амиа алджээ
ДЭЛХИЙН МЭДЭЭ | НИЙГЭМБЭЭЖИН. /Anadolu/. Хятадын төв нутагт орших нэгэн нүүрсний уурхайд хий дэлбэрсний улмаас наад зах нь дөрвөн хүн амиа алдаж, нэг хүн хүндээр бэртжээ.
Ням гарагийн үдээс хойш дэлбэрэлт болсон Хунань мужийн Шаодун хошууны нүүрсний уурхайгаас аврах багийнхан таван уурхайчныг татаж гаргахад тэдний дөрөв нь хэдийн амьсгал хураасан байжээ.
Дэлбэрэлтийн шалтгааныг тогтоохоор ажиллаж байна.
Аюулгүй ажиллагааны дүрэм журмыг дагаж мөрддөггүй, ажиллах орчин тааруу зэрэг шалтгааны улмаас Хятадын уурхайнуудад дэлбэрэлт, осол болох нь түгээмэл байдаг. Тус улсын уурхайнууд дэлхийд хамгийн аюултайд тооцогддог байна.
Сүүлийн жилүүдэд тус улс дэлхийн хэмжээнд нэг жилд олборлодог нүүрсний гуравны нэг гаруйг дангаараа олборложээ. Харин уурхайн ослоор нас барсан тохиолдлуудын талаас дээш хувь нь тус улсад бүртгэгдсэн тухай “Mining Technology” сэтгүүлд бичсэн байна.
Хамгийн сүүлд гэхэд, өнгөрсөн сард тус улсын баруун өмнөд нутгийн Чунцин хотод нүүрсний уурхайд дэлбэрэлт болсны улмаас 33 хүн амиа алджээ.
Мөн 10 дугаар сарын 18-нд тус улсын Нинся-Хотонгийн ӨЗО-нд нүүрсний уурхайд хий дэлбэрсний улмаас 18 уурхайчин амиа алдаж, хоёр уурхайчин сураггүй болсон байна.
Г.Доржханд
