Ulaanbaatar
СЭЛЭНГЭ: Цагааннуур суманд гарсан ой, хээрийн түймрийг цурамд орууллаа
ОРОН НУТГИЙН МЭДЭЭ | СЭЛЭНГЭ
Сүхбаатар, 2025 оны тавдугаар сарын 1 /МОНЦАМЭ/. Сэлэнгэ аймгийн Цагааннуур суманд энэ сарын 28-ны
өдөр гарсан ой, хээрийн түймрийг өнөөдөр өглөө цурамд оруулсан
байна.
Түймрийг бүрэн унтраахаар Сэлэнгийн аймгийн Онцгой
байдлын газрын Гал түймрийн хяналтын улсын ахлах байцаагч, хошууч
Б.Бат-Эрдэнээр ахлуулсан онцгой байдлын газрын алба хаагчид, Цагааннуур, Түшиг
сумын мэргэжлийн анги, тариа бригадын иргэд ажиллаж байна.
Хиймэл дагуулын зургаар урьдчилан байдлаар түймрийн улмаас 7 мянга гаруй га талбай шатжээ.
Цаг уур орчны шинжилгээний газрын мэдээлснээр 8.00 цагийн байдлаар түймэртэй байгаа Ерөө, Цагааннуур, Зүүнбүрэн, Хушаат сумын
нутгаар үүлэрхэг, хур тунадас ороогүй, салхи хойноос 5-8 м/с, зарим үед 10-14
м/с хүрч ширүүсэж, агаарын температур +5+7 градус дулаан байна.
