Ulaanbaatar
ДОРНОД: Нийт нутгийн 30 хувь цагаан зудтай байна
ОРОН НУТГИЙН МЭДЭЭ | ДОРНОД
Чойбалсан, 2023 оны арванхоёрдугаар сарын 29 /МОНЦАМЭ/. Дорнод аймгийн нийт нутгийн 30 хувь нь цагаан зудтай, 68 хувь нь цагаанаар зудархуу байна. Тиймээс энэ сарын 20-ноос эхлэн 60 хоногийн хугацаанд гамшгаас хамгаалах өндөржүүлсэн бэлэн байдлын зэрэгт шилжүүллээ.
Түүнчлэн аймгийн удирдлагаас орон нутгийн хэмжээнд үйлдвэрлэлийн хадлан бэлтгэсэн ААН-үүдэд хандаж, нийт борлуулах өвснийхөө 30 хувийг аймгийн малчдад хөнгөлөлттэй үнээр худалдах уриалгыг хүргүүлсэн байна.
Өнөөдрийн байдлаар нэг боодол өвсийг зах зээлд 5000-10000 төгрөгийн үнэтэй худалдан борлуулж байгаа аж.
Энэ жил Матад, Халх гол суманд хамгийн их
хадлан бэлтгэсэн. ХХААГ-ын даргаар ахлуулсан бүлэг энэ өдрүүдэд дээрх сумдад
ажиллаж, өвс хадлан бэлтгэсэн иргэд, ААН-үүдийн төлөөлөлтэй уулзаж байна. Матад,
Халх гол сумын хадланчид нийт 483 мянган боодол өвсийг зах зээлд борлуулна,
үүнийхээ 90 гаруй мянгыг нийслэл хот, өөр аймаг руу тээвэрлэж худалдахаар болсон
байна.
