Ulaanbaatar
СЭЛЭНГЭ: Шороонд дарагдсан 2 иргэнийг аварчээ
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/. Сэлэнгэ
аймгийн Сүхбаатар
сумын Баянхан 4 дүгээр багийн 2 дугаар хэсэгт хоёр хүн шороонд дарагдсан
дуудлагаар аймгийн ОБГ-ын
Эрэн хайх, аврах
ангийн алба хаагчид шуурхай ажилласан байна.
Дуудлагын дагуу газар дээр нь очиход бохирын шугамын ажил хийж байсан
хоёр иргэн 2 метрийн гүнтэй нүхэнд дарагдсан байв.
Аврагчид шуурхай ажиллаж, иргэн М, У нарыг
шороон дороос эсэн мэнд гарган авчээ. Ингээд аймгийн нэгдсэн
эмнэлгийн яаралтай тусламжийн тасагт хүлээлгэн өгсөн
байна.
