Ulaanbaatar
Улирлын томуугаар Өвөрхангай аймаг алаг цоог дэгдэлтийн түвшинд байна
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. 3 дугаар сарын 28-наас 4 дүгээр сарын 3 хүртэлх хугацаанд аймгийн
хэмжээнд амбулаториор 7342 хүн үйлчлүүлснээс 974 буюу 13.3 хувь нь томуу, томуу
төст өвчнөөр оношлогдсон байна.
Энэ
нь өмнөх 7 хоногоос 3.3 хувиар буурсан үзүүлэлттэй байгаа юм. Улирлын томуугийн
болон цар тахлын эрсдэлийн үнэлгээгээр Өвөрхангай аймаг алаг цоог дэгдэлтийн
түвшинд байгаа аж.
Сумдаар
авч үзвэл Бат-Өлзий, Баруунбаян-Улаан, Нарийнтээл, Өлзийт, Тарагт, Хархорин,
Хужирт, Арвайхээр суманд томуу, томуу төст өвчлөл дэгдэлтийн хэмжээнд байна. Аймгийн
Эрүүл мэндийн гараас чиглэл өгсний дагуу дээрх сумд цэцэрлэгийн үйл ажиллагааг
тодорхой хугацаагаар хязгаарласан ч өвчлөлийн тархалт буурахгүй байгааг тархвар
судлаач эмч М.Золзаяа хэллээ.
