Ulaanbaatar
Шахмал түлшний үйлдвэр барих ажил хойшилжээ
ОРОН НУТГИЙН МЭДЭЭ | ХОВД
Ховд /МОНЦАМЭ/. Ховд аймгийн агаарын бохирдлыг бууруулах зорилгоор Хөшөөтийн уурхайг түшиглэн Шахмал түлшний үйлдвэр байгуулахаар болсон.
Шахмал түлшний
үйлдвэрийн барилга угсралтын ажлыг энэ онд багтаан эхлэхээр төлөвлөж байсан ч
зарим нэг шалтгааны улмаас саатлаа гэж албаны эх сурвалж мэдээлж
байна.
Тодруулбал, Нийт
12 тэрбум төгрөгийн төсөвт өртөгтэй, жилд 50-90 мянган тонн сайжруулсан шахмал
түлш үйлдвэрлэх хүчин чадалтай, аймгийн төв төдийгүй сумдын айл өрхийн
түлшний хэрэгцээг бүрэн хангах боломжтой энэ үйлдвэрийг барих төсөв хөрөнгийг
нь улсын төсөвт (2021 онд 2 тэрбум) суулгасан.
Гэвч үйлдвэр барих ажил энэ ондоо эхэлж чадахгүй нь бололтой. Энэ нь тендер сонгон шалгаруулалт удааширсан, үйлдвэр барих компани шалгараагүйгээс шалтгааллаа гэж энэ сарын 23-нд УИХ-ын гишүүн С.Бямбацогтын цахим хуудаснаа мэдээллээ.
