Ulaanbaatar
Сэлэнгэ аймгийн нутгаар өнөө, маргааш бороо орж, салхи ширүүсэхийг анхаарууллаа
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/. Сэлэнгэ аймгийн нутгаар өнөө шөнө, маргааш бороо орж, салхи секундэд
9-14 метр хүрч ширүүснэ.
6 дугаар сарын 6-ны 20 цагаас 6 дугаар сарын 7-ны 20 цаг хүртэлх цаг агаарын урьдчилсан мэдээгээр Сэлэнгэ аймгийн нутгаар үүлшинэ. Салхи баруун хойноос 8-13 м/сек, зарим үед түр зуур ширүүсч 16-18м/сек хүрнэ. Шөнөдөө 5-10 градус, өдөртөө 10-15 градус дулаан байна.
Сүхбаатар хот орчмоор үүлшинэ. Бороо орно. Салхи баруун хойноос 9-14 м/сек, зарим үед түр зуур ширүүсч
16-18м/сек хүрнэ. Шөнөдөө 6-8 градус, өдөртөө 12-14 градус дулаан байна. 6
дугаар сарын 8-12-ныг хүртэлх 5 хоногийн цаг агаарын урьдчилсан мэдээгээр 8-нд
ихэнх сумдын нутгаар, 11-нд нутгийн хойд хэсгээр бороо орно. Бусад хугацаанд
бороо орохгүй. Салхи салхи баруун хойноос 5-10 м/сек. Агаарын температур
шөнөдөө 5-10 градус, өдөртөө 20-25 градус дулаан байна.
