Ulaanbaatar
Японы эрх баригчид 1000 гаруй зочид буудал түрээсэлжээ
ДЭЛХИЙН МЭДЭЭ | НИЙГЭМ
ТОКИО. /TASS/. Японы Засгийн газар коронавирусний халдвар авсан, хөнгөн
шинж тэмдэгтэй өвчтөнүүдэд зориулж орон даяар нийт 1000 гаруй зочид буудал,
байгууламжийг түрээслэн авчээ.
“Бидэнтэй мянга гаруй зочид буудлын болон бусад газрын удирдлага хамтран ажиллахад бэлэн байгаагаа илэрхийлсэн. Хөнгөн шинж тэмдэгтэй өвчтөнүүдийг нийт 150
мянга гаруй өрөөнд байрлуулах боломжтой болоод байна” гэж Японы Газар, дэд
бүтэц, тээвэр, аялал жуулчлалын сайд Казуёси Акаба мэдэгджээ.
Эрх баригчид коронавирусний халдвар авсан хүнд өвчтөнүүдийг эмнэлгийн
орнуудад хэвтүүлэхийн тулд хөнгөн шинж тэмдэг илрээд буй 37.5-с дээшгүй хэмийн
халуунтай өвчтөнүүдээ зочид буудлууд, зэвсэгт хүчний байгууламжууд руу өнгөрсөн
долоо хоногоос эхлэн шилжүүлжээ. Хотын эрх баригчид өрөөний төлбөр
болон хоол хүнсний төлбөрийг төлөх бөгөөд зочид буудлуудад өдөр бүр эмнэлгийн
ажилтнуудыг байлгах аж.
Үүнийг нөгөө талаас эрх баригчид зочид буудлын салбарт үзүүлж буй санхүүгийн
дэмжлэг гэж харж байна.
Одоогоор Япон улсад коронавирусний халдварын 8100 тохиолдол бүртгэгдээд
байгаа бол 146 хүн нас баржээ.
