Ulaanbaatar
Харү башёгийн хоёр дахь өдөр Их аваргууд учраа бөхөө давлаа
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Өнөөдөр Осака хотноо Японы мэргэжлийн сумо бөхийн Харү башёгийн 2 дахь өдрийн барилдаан боллоо. 69 дэх Их аварга Хакүхо М.Даваажаргал, Эндотой учраа таарч нэлээд барьц алдсан боловч хараа хурц байж хурдан шийдвэр гаргаж барилдсанаар 2 дахь даваагаа авлаа.
Харин 71 дэх Их аварга Какүрюү М.Ананд Кайсейг төвөггүйхэн давж нэг даваа, нэг унаатай боллоо. Озэки цолтнуудыг манлайлсан Такаясү энэ өдөр Митакүэмиг давсан бол Озэки Гойэдо Хокүтофүжигээр 2 даваатай болов. Эхний өдөр Дайшёог давсан Озэки Точиношин Мёогирюүд унаснаар даваа, унаа нэг нэг болов. Өнгөрсөн башёгийн түрүү бөх Сэкиваке Тамаваши Б.Мөнх-Оргил хоёр дахь өдрийн барилдаанд Дайшёод унаснаар даваа, унаа тэнцлээ.
