Ulaanbaatar
Бахрейн улс газрын тосны томоохон орд олж илрүүлжээ
ДЭЛХИЙН МЭДЭЭ | ЭДИЙН ЗАСАГ
МАНАМА. /Би-Би-Си/. Персийн булангийн арлын улс болох Бахрейн газрын тосны хамгийн том ордоо олж илрүүлснээ зарлажээ.
“Би-Би-Си” телевизийн мэдээлснээр, тус улсын нутгийн баруун хэсэгт орших шинэ орд нь 80 тэрбум баррелийн нөөцтэй гэсэн тооцоог холбогдох албаны хүмүүс гаргасан байна. Бахрейн улс 1932 оноос газрын тос олборлож эхэлснээсээ хойш ийм их хэмжээний нөөцтэй орд олж илрүүлж байгаагүй аж.
Тус улсын Нефтийн сайд Шейх Мохаммед бен Халифа Аль Халифа өчигдөр мэдэгдэл хийхдээ “Энэ орд нь улсын хэмжээн дэх нөөц нь батлагдсан бүх ордын нөөцөөс ч хол давсан” гэжээ.
Газрын тосны экспортоор дэлхийд тэргүүлэгч Саудын Арабтай харьцуулахад Бахрейны газрын тосны нөөц өчүүхэнд тооцогддог байв. Саудын Араб 266 тэрбум баррель газрын тосны нөөцтэй бол Бахрейн нь энэ ордыг олж илрүүлэхээс өмнө ердөө 125 сая баррель газрын тосны нөөцтэй байжээ.
Шинэ орд нь Бахрейн руу хөрөнгө оруулагчдыг татаж, эдийн засгийн өсөлтөд нь ихээхэн түлхэц үзүүлнэ гэж шинжээчид үзэж байна.
“Би-Би-Си” телевизийн мэдээлснээр, тус улсын нутгийн баруун хэсэгт орших шинэ орд нь 80 тэрбум баррелийн нөөцтэй гэсэн тооцоог холбогдох албаны хүмүүс гаргасан байна. Бахрейн улс 1932 оноос газрын тос олборлож эхэлснээсээ хойш ийм их хэмжээний нөөцтэй орд олж илрүүлж байгаагүй аж.
Тус улсын Нефтийн сайд Шейх Мохаммед бен Халифа Аль Халифа өчигдөр мэдэгдэл хийхдээ “Энэ орд нь улсын хэмжээн дэх нөөц нь батлагдсан бүх ордын нөөцөөс ч хол давсан” гэжээ.
Газрын тосны экспортоор дэлхийд тэргүүлэгч Саудын Арабтай харьцуулахад Бахрейны газрын тосны нөөц өчүүхэнд тооцогддог байв. Саудын Араб 266 тэрбум баррель газрын тосны нөөцтэй бол Бахрейн нь энэ ордыг олж илрүүлэхээс өмнө ердөө 125 сая баррель газрын тосны нөөцтэй байжээ.
Шинэ орд нь Бахрейн руу хөрөнгө оруулагчдыг татаж, эдийн засгийн өсөлтөд нь ихээхэн түлхэц үзүүлнэ гэж шинжээчид үзэж байна.
Г.Доржханд
