Ulaanbaatar
Өмнөговийн нутгаар хүчтэй салхи шуургатай байна
ОРОН НУТГИЙН МЭДЭЭ | ӨМНӨГОВЬ
Өмнөговь /МОНЦАМЭ/ Өмнөговь аймгийн нийт нутгаар өнөөдөр хүчтэй салхи шуургатай байгаа тул болгоомжтой байхыг аймгийн Онцгой байдлын газраас иргэдээ анхаарууллаа.
Говийн аймгуудын нутгаар энэ сарын 26-аас дөрөвдүгээр сарын 1 хүртэл салхи шуургатай байхыг онцгойлон анхааруулж байна. УЦУОШТөвийн мэдээлж байгаагаар энэ сарын 26, 30,31-нд Арц Богдын өвөр хоолойгоор салхи шуургатай, 27, ирэх сарын 1-нд зарим газраар түр зуур салхи 16-18м/с, 1-нд зарим үед 20-24м/с хүрч шороон шуурга шуурна. 28-нд нутгийн зүүн хагаст сэрүүн байх ч бусад хугацаанд ихэнх нутгаар шөнөдөө 3-8 градус, өдөртөө 16-21 градус хүрч дулаарна, дөрөвдүгээр сарын 1-нд ихэнх нутгаар хүйтэрнэ. 30-нд зарим газраар, 1-нд нутгийн хойд хэсгээр хур тунадас орох юм байна.
Хүчтэй салхи шуурганы үед иргэд, тээврийн хэрэгслийн жолооч нар хол, ойрын замд зорчихгүй байх, бага насны хүүхэд, өндөр настан болон хөгжлийн бэрхшээлтэй иргэдэд анхаарал тавих, мэргэжлийн байгууллагуудаас гаргасан анхааруулах, сэрэмжлүүлэх мэдээллийг үндэслэн ажлаа зөв зохицуулахыг анхааруулж байна.
Д.Мишигсүрэн
