Ulaanbaatar
Спортын шинжлэх ухааны асуудлаар олон улсын эрдэмтэд чууллаа
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Орчин үед Биеийн тамир, спортын эрчимтэй хөгжлийг хангахад спортын шинжлэх ухаан болон онолын сэтгэлгээг хөгжүүлэх асуудал чухал байр суурь эзлэх болсон билээ.
Төрөлжсөн сургалттай биеийн тамир, спортын дунд сургууль /ТСБТСДС/-ийн 9 жилийн ойн хүрээнд энэ сарын 15-16-нд “Биеийн тамир, спорт-Залгамж халаа-Хөгжил”, “Биеийн тамир, спорт - Хөгжил ба Шинэчлэл” сэдэвт олон улсын эрдэм шинжилгээний онол-практикийн бага хурал МҮОХ-ны байранд болов.
Биеийн тамир, спортын эрдэмтэн, судлаачдын эрдэм шинжилгээний ажлын явц, үр дүнг хэлэлцэх, гадаадын эрдэмтдийн судалгааны ажлын талаарх мэдээлэл авах, залуу судлаачдыг дэмжих үйл ажиллагааг тасралтгүй явуулах зорилгоор уг бага хурал болон өргөтгөсөн зөвлөгөөн зохион байгуулжээ.
Тус хуралд МҮОХ, Монголын үндэсний олимпийн академиас хамтран зохион байгуулсан бөгөөд ОХУ, Япон, БНХАУ, Франц, Серби, БНСУ болон манай улсын 30 гаруй эрдэмтэн судлаачид илтгэл тавьж, БТС-ын болон олимпийн хөдөлгөөний тулгамдсан асуудлуудыг хөндөн ярилцав.
Мөн спортын сургалт-дасгалжуулалтын онол, арга зүй, технологи, хүүхдийн спорт ба өсвөр үеийн бие бялдрын хүмүүжил, түүх, менежментийн чиглэлээр хийгдсэн эрдэм шинжилгээ, судалгааны ажлын үр дүн, явцын тухай хэлэлцэв. Улмаар Монгол Улсын өсвөрийн тамирчдын бэлтгэл ажлын зохион байгуулалтын арга хэлбэрийг шинэчлэн өөрчлөх, эрх зүйн орчинг боловсронгуй болгох, багш, дасгалжуулагчдын мэдлэг, боловсролыг дээшлүүлэх, уралдаан тэмцээний тогтолцоог боловсронгуй болгох, БТС-ын шинжлэх ухааныг хөгжүүлэх талаар санал солилцов.
Мөн биеийн тамир, спортын болон олимпийн хөдөлгөөний тулгамдсан асуудлууд, спортын сургалт-дасгалжуулалтын онол, арга зүй, технологи, хүүхдийн спорт ба өсвөр үеийнхэн зэрэг олон асуудлыг цогцоор нь авч үзэв.
"Жакарта-2018” Азийн наадам, "Буэнос-Айрес-2018" Залуучуудын олимпийн наадам, “Токио-2020” олимпийн наадамд Монгол улсын баг, тамирчдыг бэлтгэх ажилд чухал ач холбогдолтой илтгэлүүд тавигдсан нь энэ зөвлөгөөний нэг онцлог байв.
Төрөлжсөн сургалттай биеийн тамир, спортын дунд сургууль /ТСБТСДС/-ийн 9 жилийн ойн хүрээнд энэ сарын 15-16-нд “Биеийн тамир, спорт-Залгамж халаа-Хөгжил”, “Биеийн тамир, спорт - Хөгжил ба Шинэчлэл” сэдэвт олон улсын эрдэм шинжилгээний онол-практикийн бага хурал МҮОХ-ны байранд болов.
Биеийн тамир, спортын эрдэмтэн, судлаачдын эрдэм шинжилгээний ажлын явц, үр дүнг хэлэлцэх, гадаадын эрдэмтдийн судалгааны ажлын талаарх мэдээлэл авах, залуу судлаачдыг дэмжих үйл ажиллагааг тасралтгүй явуулах зорилгоор уг бага хурал болон өргөтгөсөн зөвлөгөөн зохион байгуулжээ.
Тус хуралд МҮОХ, Монголын үндэсний олимпийн академиас хамтран зохион байгуулсан бөгөөд ОХУ, Япон, БНХАУ, Франц, Серби, БНСУ болон манай улсын 30 гаруй эрдэмтэн судлаачид илтгэл тавьж, БТС-ын болон олимпийн хөдөлгөөний тулгамдсан асуудлуудыг хөндөн ярилцав.
Мөн спортын сургалт-дасгалжуулалтын онол, арга зүй, технологи, хүүхдийн спорт ба өсвөр үеийн бие бялдрын хүмүүжил, түүх, менежментийн чиглэлээр хийгдсэн эрдэм шинжилгээ, судалгааны ажлын үр дүн, явцын тухай хэлэлцэв. Улмаар Монгол Улсын өсвөрийн тамирчдын бэлтгэл ажлын зохион байгуулалтын арга хэлбэрийг шинэчлэн өөрчлөх, эрх зүйн орчинг боловсронгуй болгох, багш, дасгалжуулагчдын мэдлэг, боловсролыг дээшлүүлэх, уралдаан тэмцээний тогтолцоог боловсронгуй болгох, БТС-ын шинжлэх ухааныг хөгжүүлэх талаар санал солилцов.
Мөн биеийн тамир, спортын болон олимпийн хөдөлгөөний тулгамдсан асуудлууд, спортын сургалт-дасгалжуулалтын онол, арга зүй, технологи, хүүхдийн спорт ба өсвөр үеийнхэн зэрэг олон асуудлыг цогцоор нь авч үзэв.
"Жакарта-2018” Азийн наадам, "Буэнос-Айрес-2018" Залуучуудын олимпийн наадам, “Токио-2020” олимпийн наадамд Монгол улсын баг, тамирчдыг бэлтгэх ажилд чухал ач холбогдолтой илтгэлүүд тавигдсан нь энэ зөвлөгөөний нэг онцлог байв.
Д.Өлзий
