Ulaanbaatar
Сэлэнгэ аймагт Япон технологиор гурвалжин будаа тариалж байна
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Энэ жил Сэлэнгэ аймаг Япон улсын Шизоүки мужтай хамтарч Зүүнбүрэн сумын “Арвин хур” ХХК-ийн 40 га талбай болох хоёр давааны арын “Шарилжит” хэмээх газар Японы алдарт соба гоймонгийн гол түүхий эд болох япон гурвалжин будаа амжилттай ургаж байна. Туршилтаар тариалсан энэхүү гурвалжин будаа өнөөдөр буюу энэ сарын 9-ний байдлаар нэгж га-гаас дунджаар 15-20 цн ургац хураан авах боломжтой болжээ.
Өнөөдөр Сэлэнгэ аймагт Япон улсын Шизуока мужийн Засаг дарга Кавакацү Хэйта тэргүүтэй зочид төлөөлөгчид айлчилж байна. Тус мужтай Сэлэнгэ аймаг газар тариалангийн салбарт амжилттай хамтран ажиллаж байгаа юм. Өнгөрсөн оны 10 дугаар сард Монгол Улсын Ерөнхий сайд Ж.Эрдэнэбат Япон улсад айлчлах үеэр Сэлэнгэ аймгийн Засаг дарга Ш.Оргил Шизуока мужтай хамтран ажиллах санамж бичгийг байгуулснаас хойш тус мужийн газар тариалангийн салбарын мэргэжилтнүүд удаа дараа тус аймагт ирж Зүүнбүрэн суманд Япон арга технологиор гурвалжин будааг амжилттай тариалсан юм. Тиймээс ч тус мужийн Засаг дарга ноён Кавакацү Хэйта тэргүүтэй зочид гурвалжин будааны цэцэг ид сайхан цэцэглэсэн энэ цаг мөчид Сэлэнгэ аймагт хүрэлцэн ирлээ. Япон улсын Шизуока мужийн Засаг дарга ноён Кавакацү Хэйта хэлэхдээ-“Миний хүндэтгэж явдаг эрхэмсэг ноён Монгол Улсын ерөнхий сайд Ж.Эрдэнэбат, Сэлэнгэ аймгийн Засаг дарга Ш.Оргил нар Япон улсад айлчлах үедээ газар тариалангийн салбарт хамтран ажиллах гэрээ бичиг зурж байсан нь өчигдөрхөн мэт санагдаж байна. Өнөөдөр бидний хамтын ажиллагааны хүрээнд тариалсан гурвалжин будаа маань Монгол улсын газар тариалангийн гол бүс нутаг болсон Сэлэнгэ аймагт маш сайхан ургаж байгаа гэсэн мэдээллийг аваад сэтгэл өндөр байна. Япон хүмүүс гурвалжин будаагаар хийсэн соба гоймонг үндэсний хоолондоо хэрэглэх маш их дуртай. Сэлэнгэ нутагт тариалсан энэ гурвалжин будаа Япон хүмүүсийн хэрэглээ болж тэдний ширээн дээр гарна гэдэгт бат итгэлтэй байна. Миний бие анх удаа Сэлэнгэ аймагт ирж байна. Үзэсгэлэнтэй сайхан байгальтай бүс нутгийг хараад сэтгэл маш их хөдөллөө. Өнөөдөр манай Шизуока муж Сэлэнгэ аймгаас нэгэн хүндэтгэлтэй сайхан бэлгийг хүлээж авсан нь нэг настай морь байлаа. Энэ морь манай хоёр аймгийн найрамдалт харилцааны нэгэн хэсэг болж, маш хурдан хүлэг болохыг ерөөе. Эрхэмсэг ноён Ш.Оргил болон та бүхэндээ дахин талархсанаа илэрхийлье” гэв.
Өнөөдөр Сэлэнгэ аймагт Япон улсын Шизуока мужийн Засаг дарга Кавакацү Хэйта тэргүүтэй зочид төлөөлөгчид айлчилж байна. Тус мужтай Сэлэнгэ аймаг газар тариалангийн салбарт амжилттай хамтран ажиллаж байгаа юм. Өнгөрсөн оны 10 дугаар сард Монгол Улсын Ерөнхий сайд Ж.Эрдэнэбат Япон улсад айлчлах үеэр Сэлэнгэ аймгийн Засаг дарга Ш.Оргил Шизуока мужтай хамтран ажиллах санамж бичгийг байгуулснаас хойш тус мужийн газар тариалангийн салбарын мэргэжилтнүүд удаа дараа тус аймагт ирж Зүүнбүрэн суманд Япон арга технологиор гурвалжин будааг амжилттай тариалсан юм. Тиймээс ч тус мужийн Засаг дарга ноён Кавакацү Хэйта тэргүүтэй зочид гурвалжин будааны цэцэг ид сайхан цэцэглэсэн энэ цаг мөчид Сэлэнгэ аймагт хүрэлцэн ирлээ. Япон улсын Шизуока мужийн Засаг дарга ноён Кавакацү Хэйта хэлэхдээ-“Миний хүндэтгэж явдаг эрхэмсэг ноён Монгол Улсын ерөнхий сайд Ж.Эрдэнэбат, Сэлэнгэ аймгийн Засаг дарга Ш.Оргил нар Япон улсад айлчлах үедээ газар тариалангийн салбарт хамтран ажиллах гэрээ бичиг зурж байсан нь өчигдөрхөн мэт санагдаж байна. Өнөөдөр бидний хамтын ажиллагааны хүрээнд тариалсан гурвалжин будаа маань Монгол улсын газар тариалангийн гол бүс нутаг болсон Сэлэнгэ аймагт маш сайхан ургаж байгаа гэсэн мэдээллийг аваад сэтгэл өндөр байна. Япон хүмүүс гурвалжин будаагаар хийсэн соба гоймонг үндэсний хоолондоо хэрэглэх маш их дуртай. Сэлэнгэ нутагт тариалсан энэ гурвалжин будаа Япон хүмүүсийн хэрэглээ болж тэдний ширээн дээр гарна гэдэгт бат итгэлтэй байна. Миний бие анх удаа Сэлэнгэ аймагт ирж байна. Үзэсгэлэнтэй сайхан байгальтай бүс нутгийг хараад сэтгэл маш их хөдөллөө. Өнөөдөр манай Шизуока муж Сэлэнгэ аймгаас нэгэн хүндэтгэлтэй сайхан бэлгийг хүлээж авсан нь нэг настай морь байлаа. Энэ морь манай хоёр аймгийн найрамдалт харилцааны нэгэн хэсэг болж, маш хурдан хүлэг болохыг ерөөе. Эрхэмсэг ноён Ш.Оргил болон та бүхэндээ дахин талархсанаа илэрхийлье” гэв.
Ч.Отгонцэцэг
