Ulaanbaatar
Хүүхдүүд англи хэлний мэдлэгээрээ өрсөлдөв
ОРОН НУТГИЙН МЭДЭЭ | ӨМНӨГОВЬ
Өмнөговь /МОНЦАМЭ/ Өмнөговь аймагт хүүхэд залуучуудын дунд англи хэлээр илтгэлийн уралдааныг зохион байгууллаа.
“Бид хамтдаа” аймгийн Засаг даргын үйл ажиллагааны хөтөлбөрийн хүрээнд “Англи хэлтэй Өмнөговь” дэд хөтөлбөрийг хэрэгжүүлж байгаа билээ. Энэхүү хөтөлбөрийн хүрээнд Өмнөговьчуудын гадаад хэлний мэдлэгийг сайжруулах зорилгоор Энэтхэг улсад англи хэлний таван багшийг бүх төлбөрийг нь орон нутгаас даан сургаж байгаа юм.
Харин энэ удаа Дэлхийн улс оронд суралцагч Монголын оюутан залуучуудын холбоотой хамтран хүүхэд залуусын дунд “Миний мөрөөдөл-Монголын ирээдүй” илтгэлийн тэмцээнийг зохион байгууллаа. Уг тэмцээн нь улсын хэмжээнд орон нутагт анх удаа зохион байгуулж байгаагаараа онцлог юм. Илтгэлийн тэмцээнд 58 илтгэгч оролцсоноос эхний 6 байрыг шагнаж урамшуулсан байна.
Дээрх хөтөлбөрийн хүрээнд энэ зун Буянт хүүхдийн зусланд англи хэлний вакум сургалт явуулах бөгөөд насанд хүрэгчдэд зориулсан сургалтыг Насан туршийн боловсролын төвөөр дамжуулан явуулахаар төлөвлөсөн байгаа ажээ.
“Бид хамтдаа” аймгийн Засаг даргын үйл ажиллагааны хөтөлбөрийн хүрээнд “Англи хэлтэй Өмнөговь” дэд хөтөлбөрийг хэрэгжүүлж байгаа билээ. Энэхүү хөтөлбөрийн хүрээнд Өмнөговьчуудын гадаад хэлний мэдлэгийг сайжруулах зорилгоор Энэтхэг улсад англи хэлний таван багшийг бүх төлбөрийг нь орон нутгаас даан сургаж байгаа юм.
Харин энэ удаа Дэлхийн улс оронд суралцагч Монголын оюутан залуучуудын холбоотой хамтран хүүхэд залуусын дунд “Миний мөрөөдөл-Монголын ирээдүй” илтгэлийн тэмцээнийг зохион байгууллаа. Уг тэмцээн нь улсын хэмжээнд орон нутагт анх удаа зохион байгуулж байгаагаараа онцлог юм. Илтгэлийн тэмцээнд 58 илтгэгч оролцсоноос эхний 6 байрыг шагнаж урамшуулсан байна.
Дээрх хөтөлбөрийн хүрээнд энэ зун Буянт хүүхдийн зусланд англи хэлний вакум сургалт явуулах бөгөөд насанд хүрэгчдэд зориулсан сургалтыг Насан туршийн боловсролын төвөөр дамжуулан явуулахаар төлөвлөсөн байгаа ажээ.
Д.Мишигсүрэн
