Ulaanbaatar
БУЛГАН: Өсвөрийн эмэгтэй шигшээ баг 2024 оны шилдгээр шалгарлаа
ОРОН НУТГИЙН МЭДЭЭ | БУЛГАН
Булган, 2024 оны арванхоёрдугаар сарын 24 /МОНЦАМЭ/. "Оны онцлох шилдэг хүүхэд" шалгаруулах ёслолын үйл
ажиллагаа, Булган аймгийн хүүхдүүдийн нэгдсэн шинэ жил боллоо.
16 сум, 1 тосгоны ЕБ-ын 22 сургуулийн 21000 хүүхдээс шилдэг найман номинацид тодорхойлон дараах сурагчид 2024 оны "Шилдэг хүүхэд" боллоо.
- Хүмүүнлэг энэрэнгүй хүүхэд номинацид Булган сумын 2-р сургуулийн 12а ангийн суралцагч О.Санчирмаа
- Оны онцлох хүүхэд номинацид Булган сумын 1-р сургуулийн 12а ангийн суралцагч Б.Хүслэн
- Хүүхдийн оролцооны байгууллагын шилдэг хүүхэд номинацид Бүрэгхангай сумын ЕБС-ийн 12а ангийн суралцагч Т.Солонго
- Сурлагын шилдэг хүүхэд номинацид Булган сумын 2-р сургуулийн 10г ангийн суралцагч Б.Түмнайманжин
- Урлагийн шилдэг хүүхэд номинацид Булган сумын 2-р
сургуулийн суралцагч Б.Хүслэн
- Спортын шилдэг хүүхэд номинацид Булган сумын 1-р сургуулийн 11д ангийн суралцагч Ч.Хажидсүрэнмаа
- Өв уламжлагч шилдэг хүүхэд номинацид Булган сумын 2-р сургуулийн 11а ангийн суралцагч Г.Сарангэрэл
- Байгаль орчинд ээлтэй хүүхэд номинацид Хишиг-Өндөр сумын ЕБС-ийн 12б ангийн суралцагч О.Мөнгөнсор
- Шилдэг багийн амжилт номинацид Булган аймгийн өсвөрийн
эмэгтэй шигшээ баг
тус тус шалгарлаа.
