Ulaanbaatar
СҮХБААТАР: Зам засварын ажил оройтож эхэлсэн ч ирэх сард дуусгахаар төлөвлөжээ
ОРОН НУТГИЙН МЭДЭЭ | СҮХБААТАР
Баруун-Урт 2024 оны наймдугаар сарын 28 /МОНЦАМЭ/. Аймгийн
төв дотор зам засварын ажил эхэллээ. Авто зам засвар, арчлалтын Талын зам ТӨК уг ажлыг
гүйцэтгэж байна. 220 сая төгрөгийн төсөвтэй засварын ажлыг ирэх 9 дүгээр сард багтаан дуусгахаар гэрээнд тусгажээ.
Сургууль, цэцэрлэгийн
ажил эхэлвэл замын хөдөлгөөний ачаалал эрс нэмэгдэнэ. Яг энэ үетэй зэрэгцэн засвар хийгдэж
байгааг иргэд шүүмжилж байгаа. Мөн 2-3 хэсэг газарт шинээр тавих
ажил хийгдэж байгаа. Уг нь зам засварын ажлыг эрт
хийхээр төлөвлөж, хоёр ч удаа тендер зарлахад компани оролцоогүй. Үүний улмаас хугацаа алдсан гэж
байна. Улмаар орон нутгийн Талын зам ТӨК-аас ирүүлсэн саналын дагуу шууд гүйцэтгэх гэрээг АЗДТГ-тай байгуулж, засварыг эхлүүлэхээр аймгийн Онцгой комиссын
хурлаар шийдвэрлэсэн тухай аймгийн ЗДТГ-ын ХОХБТ-ийн хэлтсийн дарга Х.Энхцэцэг мэдээллээ.
Баруун-Урт сум
тойргийн тав болон туслах замуудтай. Эдгээр замд 1550 м.кв эвдрэл үүсээд байгаа юм.
