Булган. 2024 оны долоодугаар сарын 30 /МОНЦАМЭ/. “Алтаргана-2024” олон улсын XV наадмын хүрээнд “Буриад хувцас, ёс заншил ба орчин үе” уралдаанд Булган, Орхон, Хэнтий, Дорнод аймгаас гадна Эрхүү, ОХУ-ын Агийн буриад, Улаан-Үд хотоос 36 загвар зохион бүтээгч, орос, буриад, монголын 143 загвар өмсөгч оролцлоо. 

Тэмцээнийг 2 үе шаттай зохион байгуулж, 1-р шатанд бүтээлийн хийц, оёдол, материал, 2-р шатанд загварын үзүүлбэрээр дүгнэжээ.

Уралдааныг 4 төрлөөр зохион байгуулсан ба уламжлалт хувцасны загвар зохион бүтээгчийн төрөлд 41-66 насны 8 загвар зохион бүтээгч нийт 73 хувцас, орчин үеийн хувцасны загвар зохион бүтээгчийн төрөлд 16-66 насны 14 загвар зохион бүтээгч 82 хувцас, өдөр тутмын хувцасны загвар зохион бүтээгчийн төрөлд 16-69 насны 9 загвар зохион бүтээгч нийт 67 хувцас, авангард хувцасны загвар зохион бүтээгчийн төрөлд 14-46 насны 11 загвар зохион бүтээгч 55 хувцас зохион бүтээгч өрсөлдөж дараах байруудыг эзлэв.

1. Уламжлалт хувцасны загвар зохион бүтээгч

1-р байр Болотова Цыбжит Цыреновна “Элинсэгэйм заяаhан харгы” загвар /Забайкальский край, Дульдургинский район, с.Дульдурга/

2-р байр Харгаева Юлия Борисовна “Ёхор“ загвар /Иркутькая обл, п.Усть-Ордынский/

3-р байр Цындымеева Янжима Дашицырновна, Донирова Цындыма Гомбожаповна нарын “Алтан зүү” загвар /Забайкальский край, п.Агинское/

2. Орчин үеийн хувцасны загвар зохион бүтээгч

1-р байр Цыбикова Дарима Чингисовна “Сэлэнгийн долгионууд” загвар Улаан-Үд, Республика Бурятия

2-р байр Мөнхтөрийн Хэрлэн-Ундрал “Хөх язгуур” загвар /Хэнтий аймаг, Дадал сум/

3-р байр Жамбалдоржиева СОЕЛМА Бальжинимаевна “Тэрэнги” ягаан сэсэг загвар /Забайкальский край, Могойтуйский район/

3. Өдөр тутмын хувцасны загвар зохион бүтээгч

1-р байр Золотоева Юлия Ниловна, Шидэ Найданова нарын загвар /Улаан-Үд/

2-р байр Дугаржапова Туяна Басагадаевна "Басагаадайн басагад” загвар, /Забайкальский край, Дульдургинский район/

3-р байр Балданова Роза Владимировна “Летние мелоды-зуны аялгуу” /Забайкальский край, п.Агинское/

4. Авангард хувцасны загвар зохион бүтээгч

1-р байр Тудупова Лена Корниловна “ Элэнцийн замаар” загвар /Забайкальский край, Агинский район/

2-р байр Бунаев Сергей Геннадьвич, Николаева Ольга Николаевна "Нити времени" коллекция "Дэлхэйн баялнг" загвар /Иркутская область Ольхонский район/

3-р байр Санжиева Ирина Ильинична “Үдийн манан” загвар /Улаан-Үд/ нар тус тус эзэллээ.

Тэмцээний ерөнхий шүүгчээр:

Батаагийн Батжаргал /Монголын хувцасны дизайнеруудын холбооны тэргүүн, Урлах эрдэм дээд сургуулийн зөвлөх багш, савхин хувцасны "Би Энд Би Эс" ХХК-ийн захирал/

Шүүгчээр:

Цыбикова Цыденжаб Цыбендоржиевна  ОХУ-ын Засгийн газрын “Орос сэтгэл” шагналын эзэн, Буриадын Агийн тойргийн Соёлын гавьяат зүтгэлтэн

Жаргалсайханы Орхонтуул  /БШУГ-ын дүрслэх урлаг, зураг зүй, дизайн технологийн боловсрол хариуцсан ахлах арга зүйч, гутал, жижиг савхин эдлэлийн дизайнер зохион бүтээгч, “Булган модель” сургалтын төвийг үүсгэн байгуулагч, БТА, Боловсролын удирдлагын ухааны магистр/

Баасандоржийн Найрамдал /Erdenet model агентлагийг үүсгэн байгуулагч, Мисс Монголиа холбооны төвийн бүсийн төлөөлөгч, Эрдэнэт үйлдвэрийн Соёл урлагийн цогцолборын гоо зүйн багш /

Б.Сувд ӨМӨЗО-ы “Буриад хувцас уламжлал ба орчин үе” загвар зохион бүтээгчдийн бүтээлийн уралдааны шүүгч

Сарапулов Игорь Вячеславович – Бүгд Найрамдах Буриад улсын П.И.Чайковскийн нэрэмжит “Урлагийн коллеж”-ийн хувцасны дизайнер.

Куклин Эдуард Александрович Эрхүү мужийн “Буриад хувцас уламжлал ба орчин үе” загвар зохион бүтээгчдийн бүтээлийн уралдааны шүүгчээр ажиллалаа.