Ulaanbaatar
Нийгмийн даатгалын шимтгэлийн орлого 12 хувиар давжээ
ОРОН НУТГИЙН МЭДЭЭ | ДУНДГОВЬДундговь аймгийн нийгмийн даатгалын сангийн орлого 2016 оны эхний 9 сарын байдлаар 19 тэрбум 434 сая төгрөг болж, урьд оны энэ үеийнхээс 9.4 хувиар өссөн байна. Зарлага мөн 18 тэрбум 968 сая төгрөг болж, 8.7 хувиар өссөнийг Нийгмийн даатгалын хэлтсээс мэдээллээ.
Нийгмийн даатгалд 12 мянга 470 гаруй иргэн шимтгэл төлөгч, даатгуулагчаар бүртгэгдсэн бөгөөд үүний 17.6 хувь нь аж ахуйн нэгж, байгууллагаас, 31.2 хувь нь төсөвт байгууллагаас 51.2 хувь нь сайн дураар шимтгэл төлсөн байна. Урьд оныхтой харьцуулахад шимтгэл төлөгчдийн тоо өссөн бөгөөд нийгмийн даатгалын шимтгэлийн орлого 7 тэрбум 400 гаруй сая төгрөг болж орлогын төлөвлөгөө 12 хувиар давж биелжээ.
Нийгмийн даатгалын сангаас 15 тэрбум 534 сая төгрөгийн тэтгэвэр олгосоны 81 хувь нь өндөр настаны, 12 хувь нь хөгжлийн бэрхшээлтэй иргэдийн тэтгэвэр байна. Нийт 6320 гаруй иргэн тэтгэвэр авчээ.
Т. Отгонтуяа
