Ulaanbaatar
ХӨВСГӨЛ: Их-Уул суманд 50 тарвага нутагшуулав
ОРОН НУТГИЙН МЭДЭЭ | ХӨВСГӨЛ
Мөрөн, 2024 оны долоодугаар сарын 23 /МОНЦАМЭ/. Хөвсгөл аймгийн Байгаль орчин, аялал жуулчлалын газар Байгаль орчин, аялал жуулчлалын яамнаас олгосон зөвшөөрлийн дагуу тус аймгийн Их-Уул суманд 50 тарвага нутагшуулав.
Сэргээн нутагшуулах ажлыг ан амьтны мэргэжлийн байгууллага болох "Агнуур судлалын нийгэмлэг" төрийн бус байгууллагатай хамтран зохион байгууллаа.
Тарвага нь цөлжилтөөс урьдчилан
сэргийлэх, газрын хөрсийг сийрэгжүүлэх, ургамлын гарцыг нэмэгдүүлэх зэрэгт
чухал үр нөлөөтэй амьтан учир бүс нутгийн биологийн төрөл зүйл нэмэгдэж,
экологийн тэнцвэрт байдлыг хадгалахад ихээхэн ач холбогдолтой юм.
