Ulaanbaatar
Орос, Саудын Арави хоёр тохиролцоонд хүрснээр нефтийн үнэ нэмэгджээ
ДЭЛХИЙН МЭДЭЭ | ЭДИЙН ЗАСАГХАНЖОУ. /ВВС/. ОХУ болон Саудын Арави нефтийн зах зээлийг тогтвортой байлгах арга замуудыг хэлэлцэхээр тохиролцсоны дараа нефтийн үнэ нэмэгдлээ.
Тус хоёр улсын Эрчим хүчний сайд нар Хятадын Ханжоу хотод болсон “Их-20” бүлгийн дээд хэмжээний уулзалтын үеэр хэлэлцээ хийж, тохиролцоонд хүрсэн юм.
Даваа гарагт Brent маркийн газрын тосны үнэ бараг 5 хувиар өсч, нэг баррель нь 49 долларт хүрлээ.
Орос-Саудын Аравийн хамтарсан мэдэгдэлд “бид хөрөнгө оруулалтын түвшинг тогтвортой байлгахын тулд ... нефтийн зэх зээлийн тогтвортой байдлыг хангах төлөвлөгөө хэрэгжүүлнэ” гэжээ.
Ердөө хоёрхон жилийн өмнө торх нь 110 долларт хүрсэн байсан нефтийн үнэ нийлүүлэлтийн илүүдлийн улмаас бараг 13 жилийн хугацаан дахь хамгийн доод түвшинд хүрч унаад байгаа билээ.
Нефть экспортлогч улсуудын байгууллага буюу ОПЕК олборлолтыг хязгаарлах замаар нефтийн ханшийг өндөр түвшинд барих бодлого хэрэгжүүлсээр байгаа боловч төдийлөн үр дүнд хүрэхгүй байна.
Харин ОХУ болон Саудын Арави нь дэлхийн даяар хэрэглэж буй нефтийн 21 хувийг олборлодог ажээ.
Хоёр улсын сайд нар энэ сарын сүүлч, мөн 10 болон 11 дүгээр сард дахин уулзахаар тохиролцсон байна.
Г.Доржханд
