Ulaanbaatar
Татварын тайлан авах хугацааг 27-ныг дуустал сунгажээ
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Сангийн яамны "E-Balance" цахим санхүүгийн
тайлангийн системд санхүүгийн тайлан хүлээн авах хугацааг сунгасан. Тодруулбал, энэ оны эхний хагас жилийн татварын тайлан хүлээн
авах хугацааг энэ сарын
27-нийг дуустал хугацаагаар сунгажээ.
Түүнчлэн энэ оны II улирлын НӨАТ-ын баримтыг Гааль, татвар, санхүүгийн
мэдээллийн технологийн төвөөс энэ сарын 8-нд бүртгэж дууссан. НӨАТ-ын
хуулийн 15.3-т заасан нөхцөл, шаардлага хангасан албан татвар төлөгчийн тухайн
улиралд албан татвар суутган төлөгтчэй хийсэн худалдан авалтад төлсөн албан
татварын 20 хүртэл хувийг энэ 7
дугаар сард багтаан буцаан олгох юм.
Албан татвар төлөгчид буцаан олголтыг мөн НӨАТ-ын тухай хуулиар дараах нөхцөл,
шаардлагыг бүрэн хангасан тохиолдолд олгоно. Үүнд:
- албан татвар суутган төлөгчөөс худалдан авсан байх,
- худалдан авалт татварын албанд бүртгэгдсэн байх,
- албан татвар ногдсон бараа, ажил, үйлчилгээ байх,
- бүртгэлийн хэрэгсэл буюу бүртгэлийн машинд бүртгэгдсэн байх юм.
