Ulaanbaatar
Энэ онд ачаалал ихтэй авто замын уулзваруудыг шинэчилнэ
ОРОН НУТГИЙН МЭДЭЭ | ОРХОН
Орхон /МОНЦАМЭ/. Ачаалал ихтэй автозамын уулзваруудыг энэ онд өргөтгөнө. Ингэхдээ
хотын төвийн хоёр байршилд уулзварын өргөтгөл, дөрвөн байршилд авто замын өргөтгөл хийнэ. Тодруулбал, Чандмань төвийн буюу
Эрх чөлөөний гудамжны уулзвар, захиргааны 4-р байрны буюу Орхоны гудамжны уулзварыг өргөтгөнө.
Зураг
төсвийн ажлыг “Дөрвөн тэнхлэг” ХХК гүйцэтгэж байгаа бөгөөд ирэх сард дуусгах ажээ.
Тус ажлын талаар аймгийн Засаг
дарга холбогдох албаныхантай уулзаж
дараах үүрэг чиглэлийг өглөө.
1.Уулзвар өргөтгөхийн тулд ногоон
байгууламжууд ихээр сүйдэх эрсдэлтэй. Иймд ажил эхлэхээс өмнө ногоон
байгууламжуудыг нүүлгэн шилжүүлэх.
2.Газар доорх байгууламжууд болох ИШС,
Холбооны шугамд гэмтэл учруулах эрсдэл гаргахгүй байх.
3.Өргөтгөх ажил хийх үед замын
хөдөлгөөний хэвийн үйл ажиллагааг хангаж хаагуур, хэрхэн зорчих талаар иргэдэд
мэдээлэл хүргэх.
4. Орчин үеийн хотуудын замын хөдлөгөөнтэй
холбоотой шинэлэг шийдлүүдийг судлах
5. Ажил гүйцэтгэх үед график хугацаанд нь
чанартай хийлгэх, хяналтг сайн тавих хэрэгтэй гэсэн юм.
