Ulaanbaatar
Цэцэрлэгийн хүүхдүүдийг витаминаар хангахад 27.8 сая төгрөг төсөвлөжээ
ОРОН НУТГИЙН МЭДЭЭ | ОРХОН
Орхон/МОНЦАМЭ/. Орхон аймгийн Эрүүл мэндийн газраас улирлын томуугийн дэгдэлт болон короновирусний халдвараас урьдчилан сэргийлэх, хүүхдүүдийн дархлааг дэмжих зорилгоор витаминжуулалтын аяныг эхлүүллээ.
Аяны хүрээнд Орхон аймагт үйл ажиллагаа явуулж
буй цэцэрлэгүүдийн 4-5 настнуудыг амин дэмээр хангах юм. Эхний ээлжинд одоо хичээллэж буй 2100
гаруй хүүхдийг хамруулна. Ингэхдээ, эцэг эхийн зөвшөөрлөөр, цэцэрлэгийн эмчийн
хяналтад хүүхдүүдийг витаминжуулах юм.
Олон найрлагат
витаминыг хэрэглэх хугацаанд өөр витамин уухыг хориглох тул эцэг эхчүүдийг үүнд
хяналт тавихыг анхаарууллаа.
Энэхүү ажилд орон нутгийн төсвийн 27.8 сая төгрөг зарцуулжээ.
