Ulaanbaatar
Ө.Батцэцэг Азийн Элит шүүгч болов
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын хөл бөмбөгийн холбоо /МХБХ/-ны эмэгтэй шүүгчдээс анх удаа Олон улсын шүүгчийн зэрэгт хүрсэн Өнөржаргалын Батцэцэг Азийн Хөл Бөмбөгийн Холбооны Элит шүүгч боллоо.
МХБХ-ны шүүгчээр 2016 оноос ажилласан Завхан нутгийн охин Ө.Батцэцэг тивийн шүүгчдийн шалгалтад тэнцэж Монгол Улсаас АХБХ-нд данстай 5 дахь элит шүүгч болж байгаа юм. Тэрбээр Азийн элит зэрэглэлтэй болсон анхны эмэгтэй шүүгч болсон гэдгээрээ онцлогтой.
МХБХ-ны шүүгчийн
хэлтсээс шүүгчдэд бие бялдар, онолын өндөр шалгуур тавьж үндэсний дээд лигт
ажиллуулдаг. Улсынхаа хамгийн дээд зэрэглэлийн тэмцээнд өөрийгөө батлан харуулж
АХБХ-ны элит зэрэглэлийн шүүгчдийн өндөр шалгуурыг давснаар Азийн эмэгтэй элит
шүүгчдийн эгнээнд Монголоос Ө.Батцэцэг ийнхүү багтлаа.
АХБХ-ны Элит туслах
шүүгч болсон Ө.Батцэцэгдээ удахгүй олон улсын тэмцээн дээр ажиллах томилгоо
авч, амжилттай шүүн явуулахыг МХБХ-ноос хүслээ.
