Ulaanbaatar
ЗГХЭГ-ын Ажлын баг Орхон аймагт ажиллаж байна
ОРОН НУТГИЙН МЭДЭЭ | ОРХОН
Орхон/МОНЦАМЭ/. Монгол Улсын Засгийн газраас “Аймаг, сумдын ИТХ, ЗДТГ-ын ажлын албаны бүтэц, орон тооны хязгаарыг тогтоох тухай” тогтоол гарсантай холбоотойгоор ЗГХЭГ-аас Ажлын баг Орхон аймагт ажиллаж байна. Тодруулбал, ЗГХЭГ-ын Орон нутгийн удирдлага зохицуулалтын референт Т.Оюун, Хяналт шинжилгээ үнэлгээ дотоод аудитын газрын ахлах референт Х.Мөнх-Өнөр нар ажиллаж байна.
Тэд аймгийн ИТХ-ын дарга Д.Мөнхбат, Засаг даргын орлогч А.Түвшинжаргал, ЗДТГ-ын
дарга Д.Соёлчхүү болон Баян-Өндөр, Жаргалант сумын ИТХ-ын дарга, Засаг дарга
нартай уулзаж ажлын албаны бүтэц, орон тооны хязгаарын талаарх санал бодлыг сонссон юм.
Ташрамд дурдахад, 2005 онд аймаг сумдын ЗДТГ, ИТХ-ын ажлын албаны бүтэц,
орон тооны хязгаарыг тогтоох тухай Засгийн газрын тогтоол гарч 2017 онд нэг
удаа шинэчлэгдэж байсан юм.
