Ulaanbaatar
УОК-ын тушаалыг зөрчсөн “Оргил” худалдааны төвийг торгожээ
ОРОН НУТГИЙН МЭДЭЭ | ОРХОН
Орхон /МОНЦАМЭ/. “Оргил” худалдааны
төв цар тахлын үед олон нийтийг цуглуулж өнгөрсөн долоо хоногт нээлтээ хийсэнд иргэд бухимдаж, холбогдох байгууллагуудад гомдол гаргажээ. Тус байгууллага УОК-ын 41 дүгээр тушаал, аймгийн
Засаг даргын 2021 оны А/324 дүгээр захирамжийг зөрчиж бөөгнөрөл үүсгэсэн,
бүртгэл хөтлөөгүй, орох, гарах гарцын урсгалаа шийдээгүй байсан зэрэг зөрчил
гарсан тул Зөрчлийн тухай хуулийн
15.2.1-т заасны дагуу хуулийн этгээдэд 500 нэгжийн торгуулийн арга хэмжээ авч, үйл ажиллагааг түр хаах санал гарган, хяналтын прокурорт шилжүүлсэн гэж аймгийн
Засаг даргын шуурхай хуралдааны үеэр мэдээллээ.
