Ulaanbaatar
Хантайширын нурууны халиун бугыг есдүгээр сард тоолно
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/. Говь-Алтай аймгийн Халиун сумын нутаг Хантайширын нурууны халиун бугын тоо толгойг есдүгээр сард тоолно.
Тодруулбал, ШУА, “Алтайн халиун буга” ТББ-тай хамтран Хантайширын нурууны халиун бугын тооллогыг түүхэндээ анх удаа есдүгээр сард хамтран хийхээр төлөвлөж байгаа тухай БОАЖГ-аас мэлээллээ.
Тавдугаар сарын 27-нд Говь-Алтай аймгийн Байгаль орчин, аялал жуулчлалын газрын дэргэдэх Хантайширын нурууны Буга нутагшуулах төвд нутагшуулж буй 3 настай Шарга нэртэй эр буга, 4 настай Коко нэртэй эм бугад ШУА-ийн биологийн хүрээлэнгээс сансрын дохиолол бүхий хүзүүвч зүүжээ. Ингэснээр Төв аймгийн Хустайн нуруунаас нутагшуулсан бугын шилжилт хөдөлгөөн, амьдралын идэвх зэргийг судлах бөгөөд шинжлэх ухааны томоохон ач холбогдолтой судалгаа болох ажээ.
