Ulaanbaatar
Гамшгаас хамгаалах өндөржүүлсэн бэлэн байдалд шилжлээ
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/. Говь-Алтай аймгийн Онцгой комиссоос зургаадугаар сарын 2-ны өдөр хүртэл аймгийн хэмжээнд Гамшгаас хамгаалах өндөржүүлсэн бэлэн байдалд шилжүүллээ. Түүнчлэн,
-Төрийн байгууллага болон банк, харилцаа холбоо, эмийн сан, нотариат зэргийн үйл ажиллагааг нээж байна. Гэхдээ ажлын байрны 30 хувийн дүүргэлттэй ажиллуулахыг холбогдох албаны удирдлагуудад үүрэг болгов.
-Зах, худалдааны төв, хүнс барааны дэлгүүр, хоол цайны газар, ресторан, үсчин, оёдол, дугуй засвар зэрэг үйлчилгээний газрууд 10:00-18:00 цагийн хооронд ажиллана.
-Зургаадугаар сарын 02-ны өдөр хүртэл аймгийн хэмжээнд архи, согтууруулах ундааг худалдахыг хориглолоо.
-Улаанбаатар хот болон бусад аймгаас ирж байгаа иргэдийг зөвшөөрөл авсан эсэхийг үндэслэн зохих журмын дагуу нэвтрүүлнэ.
-Ерөнхий боловсролын төгсөх ангийн сурагчдад 10-аас дээшгүйгээр танхимаар давтлага өгч болно.
-Мөн хугацаанд Жаргалант, Хөхморьт, Тайшир сумын иргэдийн орох, гарах хөдөлгөөнийг хязгаарлаж байна. Харин бусад сумын зорчих хөдөлгөөнийг нээлээ.
