Ulaanbaatar
Коронавирусний эсрэг дархлаажуулалтын нэгдүгээр тунд 31259 иргэн хамрагджээ
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/. Говь-Алтай аймагт сүүлийн 24 цагийн хугацаанд нийт 486 сорьцод PCR шинжилгээ хийхэд коронавирусний халдвар авсан хүний тоо 4-өөр нэмэгдэж, нийт батлагдсан тохиолдол 263 боллоо.
Тохиолдлуудыг байршлаар нь авч үзвэл:
-Есөнбулаг суманд-154,
-Хөхморьтод-18,
-Тайширт-63,
-Жаргаланд-18,
-Цээлд-1,
-Төгрөгт-6,
-Эрдэнэд-3 тохиолдол бүртгэгджээ. Сүүлийн 24 цагт 8, нийт 166 иргэн бүрэн эдгэрч эмнэлгээс гарч, ӨЭМТ-ийн хяналтад орсон байна. Өнөөдрийн байдлаар коронавирусний халдварын улмаас хэвтэн эмчлүүлж буй иргэдийн 70 нь хөнгөн, 17 нь хүндэвтэр байгаа бол 8 хүний биеийн байдал хүнд, 1 хүн нэн хүнд оноштойгоор эмчлүүлж байгаа.
Түүнчлэн тус аймагт дархлаажуулалт эрчимтэй явагдаж байгаа бөгөөд өнөөдрийн байдлаар нэгдүгээр тунд 31259, хоёрдугаар тунд 4107 хүн хамрагдсан байна.
