Ulaanbaatar
Хоёр хүний биеийн байдал хүнд байна
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. Өнгөрсөн 24 цагийн хугацаанд
аймгийн БОЭТ-ийн PCR шинжилгээнд 92 хүнийг хамруулахад 6 эерэг тохиолдол
батлагдлаа. Эдгээр нь Хужирт, Бүрд сум дахь халдварын голомтоос эх үүсвэртэй,
Арвайхээр суманд тусгаарлагдаж байсан хүмүүсээс илэрсэн байна.
Одоогоор БОЭТ-д 26, гэрээр 2, Хархорин сумын Нэгдсэн
эмнэлэгт 8, Хужирт сумын Тусгаарлан эмчлэх байранд 49, Бүрд сумын Эрүүл мэндийн
төвд 1, нийтдээ 86 хүн хэвтэн эмчлүүлж байгаагаас биеийн байдал хүнд 1,
хүндэвтэр 3 хүн байна.
Тусгаарлах байранд 70, гэрийн тусгаарлалтад 872 хүн байна. Мөн Арвайхээр сумаас 3, Хужирт сумаас 2 иргэн бүрэн эдгэрч, гэрийн тусгаарлалтад шилжлээ. Түргэвчилсэн оношлуураар 204 хүнээс шинжилгээ авахад эерэг тохиолдол 4 гарсан байна.
