Ulaanbaatar
Өвөлжилт, хаваржилт хүндэрсэн сумдын малчдад 350 тонн малын тэжээл олгоно
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/. УИХ-ын гишүүн Ш.Раднаасэд, Б.Энх-Амгалан нарын дэмжлэгээр Говь-Алтай аймгийн өвөлжилт, хаваржилт хүндэрсэн 10 сумын малчдад 350 тонн малын тэжээл олгоно.
Тэжээл хүргэх тусламжийн цуваа өнөөдөр буюу хоёрдугаар сарын 8-нд Улаанбаатар хотоос Говь-Алтай аймаг руу хөдөлсөн бөгөөд өвөлжилт хүндэрсэн 10 суманд тус бүрт 35 тонн тэжээл олгох ажээ. Орон нутгийн удирдлага болон малчдаас өвс тэжээлийн дэмжлэг туслалцаа үзүүлэх талаар санал хүсэлт ирүүлсний дагуу ийнхүү тус аймгаас сонгогдсон УИХ-ын гишүүд асуудлыг холбогдох газарт уламжилж, шийдвэрлэсэн байна. Өмнө нь Засгийн газрын шийдвэрээр хоёр удаа мөн Дэлхийн банкны тусламжаар малын өвс, тэжээлийн тусламж Говь-Алтай аймгийн малчдад хүрсэн юм.
