Ulaanbaatar
Тужийн нарсны түүхэн сэргэлт
ФОТО МЭДЭЭ
Тужийн нарсны түүхэн сэргэлт
Анх 70 хувь устсан хэмээн мэргэжилтнүүд тогтоож байсан Тужийн нарсан ой өдгөө 100 хувь бүрэн сэргэжээ. Мөнхүү 2018 онд БНСУ-ын “Юүхан Кимберли” компани 10 метр өндөр, 6 метр урт, 5 метр өргөнтэй цамхаг байгуулсан байна. Ингэснээр орон нутгийн иргэд болон гадаад, дотоодын аялагчид нарсан ойг бүхэлд нь харж, байгаль экологитой танилцах бүрэн боломж олджээ. Тус цамхаг нь Буур хээрийн талын Оргидог булагаас урагш салж явах замд байх бөгөөд Баянбулагийн эх гэдэг газар баригджээ. Ийнхүү нарсан ойн тус хэсгийн нөхөн сэргээлтийг хийсэн компанийн нэрээр буюу “Юүхан Кимбэрли ой” хэмээн нэрийдсэн байна.
Монгол Улсын Байгаль орчны яамны хүсэлтээр БНСУ-ын “Юүхан Кимбэрли” компани болон Зүүн хойд Азийн “Ойн форум” хамтран тус ойг сэргээх ажлыг 2003 оноос эхлүүлсэн билээ. Энэхүү ажил эхэлснээр 12 жилийн дараа гэхэд л нийт 3.250 га талбайд бүгд 10.130.000 нарс модны тарьц суулгасан байдаг. Энэ л үеэс Монгол Улсад анх удаа таримал ойн арчилгаа хийх технологийг нэвтрүүлж жил бүрийн ойжуулсан газрын 100 га талбайд арчилгааны ажил явуулж эхэлсэн нь өдгөө ч үргэлжлэн хийгдэж байна.
