Ulaanbaatar
ЭМГ-т 300 ширхэг коронавирусийг илрүүлэх түргэвчилсэн оношлуур хандивлалаа
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/. "Төрөлх-Алтай" ТББ нийгмийн хариуцлагынхаа хүрээнд Говь-Алтай аймгийн Эрүүл мэндийн газарт 300 ширхэг коронавирусийг илрүүлэх түргэвчилсэн оношлуур хандивлалаа
Тодруулбал, коронавирусний халдварын болзошгүй аюулаас урьдчилан сэргийлэх, бэлэн байдлыг хангах талаар шуурхай арга хэмжээ авч ажиллаж байгаа Говь- Алтай аймгийн ЭМГ-ын эмнэлгийн тусламж үйлчилгээний гамшгийн нөөцөд таван сая төгрөгийн үнэ бүхий түргэвчилсэн оношлуур хандивлажээ. Гуравдугаар сарын 13-ны өдөр тус оношлуурыг “Төрөлх-Алтай” ТББ-ын төлөөллүүд ЭМГ-ын дарга Ц.Туяад гардууллаа.
“Төрөлх-Алтай" ТББ-ын тэргүүн, МАН-ын Ерөнхий нарийн бичгийн дарга Д.Амарбаясгалангийн санаачилгаар 2019 оноос Говь-Алтай аймгийн боловсрол, эрүүл мэндийн салбарт хөрөнгө оруулт хийж байгаа ажээ.
