Ulaanbaatar
Таеквондогийн шилдэг тамирчид Шанхай хотод болох “BUDA-TOP”-д оролцоно
ОРОН НУТГИЙН МЭДЭЭ | ОРХОН
Орхон /МОНЦАМЭ/ Орхон аймгийн ИТХ-ын даргын нэрэмжит таеквондогийн бүсийн аварга шалгаруулах тэмцээн боллоо.
Уг тэмцээнийг “Жаргалант таеквондогийн сургалтын төв" ТББ санаачилсан бөгөөд төвийн Хүндэт ерөнхийлөгчөөр ИТХ-ын дарга П.Пүрэвлхагва сонгогдсон юм.
Тэмцээнд Дархан-Уул, Булган, Орхон аймгийн 100 гаруй тамирчин ганцаарчилсан болон 3x3
багийн тулааны төрөлд хурд хүч, авахаалж самбаагаа сорилоо.
Тэмцээний
нийт дүнгээр “Жаргалант таеквондогийн сургалтын төв”-ийн баг тэргүүн байрт, Дархан-Уул аймгийн баг тамирчид хоёрдугаар
байрт, Булган аймгийн баг тамирчид гуравдугаар байрт шалгарлаа. “Шилдэг
тамирчин”-аар Жаргалант сумын тамирчин С.Анударь,
З.Лут-Очир, Булган аймгийн тамирчин Б.Сумьяабазар, Дархан-Уул аймгийн тамирчин Б.Азжаргал
нар шалгарчээ.
Уг тэмцээн ирэх оны нэгдүгээр сард БНХАУ-ын Шанхай хотод болох “BUDA-TOP” таеквондогийн олон улсын
тэмцээнд оролцох тамирчидыг сонгон шалгаруулж байгаагаараа онцлог юм. Иймд олон улсын тэмцээнд оролцох шилдэг 15
тамирчны зардлын 50 хувийг “Жаргалант
таеквондогийн сургалтын төв” төлөхөөр болжээ.
