Ulaanbaatar
М.Анхцэцэг ДАШТ-ээс хүрэл медаль хүртлээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Тайландын Паттаяа хотноо болж буй хүндийн өргөлтийн Дэлхийн аварга шалгаруулах тэмцээний эмэгтэйчүүдийн 81 кг-ын жинд Мөнхжанцангийн Анхцэцэг огцом өргөлтөөр 110 кг туухай өргөж хүрэл медаль хүртэв.
Энэ удаагийн ДАШТ-ий энэ жинд огцом
өргөлтөөр алт, мөнгөн медалийг 111 кг өргөсөн БНСУ-ын Ли Жи Ён , Ким Су Хён нар
хүртлээ. М.Анхцэцэгийн энэ медаль
нь ДАШТ-ээс хүртэж буй хоёр дахь хүрэл медаль бөгөөд Монголын туйванчдын түүхэнд бичигдэх хоёр дахь медаль болж байна.
